الوحدة القتالية

أنصحكم وبقوة إنكم تخلون رواية “الوحدة القتالية” ضمن أولويات قراءتكم، لأنها بكل بساطة تجربة فريدة تستحق وقتكم أكثر من كثير من الروايات المنتشرة حاليًا.

القصة عن رجل عاش حياة صعبة، مصاب بالربو من يوم كان صغير، لكنه كان مولع لدرجة الجنون بالفنون القتالية. حبه لها ما كان مجرد هواية، كان شغف حقيقي، لكنه ما قدر يمارسها فعلياً بسبب وضعه الصحي. بدل ما يستسلم، قرر يكرّس حياته كلها لدراستها، وصار عالِم فنون قتالية محترم، يعرف كل تفصيلة عنها ممكن تتخيلها.

مرت السنين، وصل للخمسينات من عمره، صحته تدهورت أكثر، وكأن الحياة تقول له “انتهت اللعبة”… لكنه فجأة، وبدون سابق إنذار، يلقى نفسه انتقل لعالم آخر، عالم كل شي فيه يدور حول الفنون القتالية، عالم مليان محاربين، طوائف، معارك ملحمية، وقوانين تختلف تمامًا عن اللي يعرفها.

خليني أكون صريح: البداية يمكن تكون بسيطة شوي، لكن لا تحكم من أول فصل! الأحداث اللي جالسة أترجمها حاليًا (أنا المترجم)، شيء ناررررر، تحولات عظيمة، حبكة تتطور بشكل غير متوقع، بناء شخصيات رهيب، والقتالات؟ يا ساتر! واقعية، حماس، ووزنية، وكل فصل يعطيك دفعة أدرينالين.

وفوق هذا، الفصول قصيرة جدًا! يعني فصل واحد من “الوحدة القتالية” يعادل ربع أو نص فصل من أي رواية ثانية، فالقراءة تمشي بسرعة وتبقيك مشدود طول الوقت.

نصيحتي؟ أعطها فرصة جدّية لين الفصل 640. إذا وصلت له وما تحمّست، اسحب عليها، بس أنا متأكد إنك ما راح تقدر تتركها!